我哋仲係度，有開工，有工開 多謝大家不時發PM嚟問候 因為上年發生非常多事，我哋一再調節心情，最大領悟係所有事情都要自己爭取，唔可以靠人靠政府，要不斷保持住有反抗嘅心先會做成件事，唔駛去求籤，我哋要相信自己用對手去改變。...

謝謝同學的禮物，除咗提醒咗我哋要做咩，仲提醒咗人生中的一期一會，珍惜所有，我哋要一齊加油！ 1月1號街上再見

呢幾個月落堂時我哋都會同同學講要平安返屋企，而每次上堂亦會好期待見到佢哋，「平安」係我哋日常嘅願望，今年聖誕除咗一句「聖誕快樂」，可以多啲關心下屋企人朋友呢幾日有冇平安返到屋企。 我哋要齊齊整整咁過聖誕！ #荒謬唔可以成為日常 #唔可以習慣

多謝大家嘅熱烈 我哋諗咗好多好多，有好多嘢想做，簡單嚟講黃色傢俬圈我分咗兩個部分，一個係生產，一個係教育。 - 生產部分即係零售同訂造，以經濟圈活動撐同行，支持同行企出嚟，鼓勵請手足。 - 教育部分主要係以培訓及推廣香港木藝為主，木匠培訓令行業健康成長，興趣班就可以成為連...

我要同所有仲等緊我哋凳仔同workshop嘅朋友致歉，呢兩星期studio完全停罷，我哋冇辦法只留在安隱的地方而唔理出面發生嘅事。 但我哋唔會唔做，我哋會做得更好，因為只有做得好先會延續到落去，改變到香港某一部分。

只能夠繼續 情緒也需要個出口 義賣爆賣其實幫我們找到了出口 如果大家需要耳仔需要空間，我哋係度

以為workshop塵多所以戴豬嘴預防呼吸道疾病啦，點知出面空氣仲差過室內，我哋又長期要出外工作嘅，睇嚟要全日戴好好保護自己先得。 更新加入我哋用嘅防具，仲未計有時燒下焊嗰塊面罩呢。 #所有同事必須要戴口罩 #亦強烈建議同學戴口罩 #職安真漢子

瞓唔到嘅時候，我會打蝴蝶，在裂縫都補上一隻又一隻。 今晚我唯一可以做嘅就係將義賣了的香港樹凳仔補上希望。

有一日師傅同我哋講：不如用香港樹做套明式傢俬 你知道對我哋嚟講係幾大意義嗎？麥師傅係香港少數仲識做明式傢俬的師傅，以前佢只用酸枝花梨做傢俬，而近年專職維修古董，維修需要熟悉每件傢俬的結構以避免拆爛。 記得之前同師傅講要用香港樹做圈椅，師傅覺得不太可能，說要先睇下材質，睇下睇...

幸運地遇上每一位師傅都是善良的，佢哋嘅作品為我哋帶嚟力量，善良的人總會造出靈性之作。 Sing Hallelujah to the Lord #池師傅作品 #歡迎學習 #帶住參加宗教聚會一流

唔會再頹落去了，呢個時候我哋要更相信一路以來行的路，只要有熱情地繼續活落去，前面有幾難行都會行到。 更何況我哋有太多事想做，想有能力成為一位良心腦細請更多同事，培訓更多小朋友，呢個時候就要靠我哋雙手！ 唔能夠放棄 繼續行！ #你點知聽日會好天㗎

今日 如果你覺得攰了、失望了，不如搵下我哋 （PM、電話、電郵 咩都得） 我哋唔多嘢講的，呢度只有鑿木的聲音，可以係度發呆，飲杯茶，靜下，又或者想試下鑿木。 我哋咩都冇，但有雙手，呢個時候我哋只想用雙手擁抱大家，請俾我哋一齊行落去。 一個都不能少

送完貨冇幾耐就想同大家分享今日呢個任務 。 任務內容係中文大學的賽馬會氣候變化博物館邀請我哋整一批凳，凳的材料係香港樹。原先最貼合主題的當然係想用山竹的塌樹，可惜當時山竹的塌樹大部分已被堆填，我能夠動用的只有少量山竹塌樹，而其他都是來自中大、路政署及ATEC的慷慨支持。...

先前世界自然基金會係荃新天地有個展覽講保護海洋，我哋都參與咗其中一部分，為大會起咗啲photo stand，直至拆場嗰刻我先覺得我哋個成就解鎖。 首先卡板係來自一間綠色清潔劑公司，就係我哋接到電話話photo stand要用卡板時，咁啱佢哋inbox我哋，好似成件事好自然而...

！發夢突發奇想！ 用香港百種樹做百子櫃 每個櫃桶用香港樹嚟整 然後入面裝住木與故事 就好似圖書館咁 呢幾年都有師傅提起以前佢哋整百子櫃嘅故事，嗰種鬥快鬥手藝好可能就係木匠的浪漫，亦代表住舊時香港。咁啱噚晚有匠人朋友提起做櫃工時，我哋講笑話一定要做百子櫃啦，然後講講下燃...

平時除咗教大家多啲用對手去實踐，我哋仲會寫字，因為相信用唔同媒介能夠傳達更廣闊的訊息，所以我哋係網頁開咗'ARTICLE'，裡面有讀書報告、知識分享、文章導讀等等。有時會諗應該要點形容'最勁'嘅師傅，而我覺得'最勁'的師傅都係好謙卑孜孜不倦地學習，只有不斷吸收不同的知識，我...

落雨悶悶的，將手上工作先放低，試用香港樹整玩具輕鬆下。 首先將一支龍柏樹幹開板，顏色豐富得似河流，所以諗如果有兩條魚彈下彈下就好，因為本身對木機械結構的不熟悉，所以做了一個超超超簡易版，原來係咁好玩，係整嘅過程又有得著，知道下次點整靚啲同復雜啲，可以開心彈起了！ 學習總括:...

頭先有冇朋友咁啱唔覺意開咗明珠台然後咁啱見到我哋呀✋🏽 新年第一炮，香港樹唔係垃圾！ 要開爐喇，我哋今年都會繼續努力，繼續向正確的方向前進，請多多指教。 #夠鐘開電視 #謝謝記者Christy

旅行途中突發參加了台灣想作室的木雕工作坊，雕咗隻豬仔（左手邊係我嘅，右手邊係阿達老師嘅），雖然未畫番啲眼耳口鼻，但都豬有豬形，應該夠拜年用掛？係呢度用豬仔嚟同大家講聲 恭喜發財 祝大家身體健康，豬肥屋潤！ 我哋會覆msg覆到今晚，然後就初四啟市喇！...

重溫片段 R2初試驗 - 台灣相思雙摺凳 同樣是被'廢棄'了的資源，一樣係我哋生活上時常會見到嘅，亦都可能會係垃圾站見到佢哋嘅縱影，所以我哋做咗啲試驗，試下將兩個物料用埋一齊。 佢未必會係市場上出現，但話到俾你知物料與創作可以係咁好玩，係生活上諗多少少，夾埋一齊就係有種創造改變。