三日前我照郭師傅所說去咗一間丟空的村屋睇下歷史，同村有幾間屋都是三級歷史建築物，望落個樣差唔多的村屋也話唔定有相同歷史。
四邊青磚麻石牆仲係好穩固，屋頂瓦仔同樑就拆哂落嚟。當時我影相做記錄睇下有咩可以留低，在入村時認識了同村的叔叔，佢熱心幫手聯絡管理人，睇下就算清拆都唔係全部拎去堆填，因為青磚麻石可以再用於其他歷史建築物的復修上，係好珍貴的資源。
然後然後就再冇然後，可能驚動了管理人，亦可能佢哋只係on schedule，總之就係今日老房子已被拆剩一半，夷為平地就好似彈一彈手指咁簡單，唔需要考慮歷史文化以及資源係唔係可以重用，送去堆填就最快，因為香港咩都唔缺，只缺地（謬誤）。
繼續拆繼續起新嘅，拆走哂歷史拆走哂文化，香港仲係唔係香港，定學同村叔叔所講，佢哋條村大部份原居民都移民到英國同何蘭，呢度已經唔係佢哋屋企。
