2019年過咗兩星期，我哋又試新嘢了！
如果大家嚟過草途都知我哋比較少電工具亦冇高科技，雖然每一次製作都會練到雙手，但因為咁我哋亦少咗機會實踐一啲諗法...，所以我哋決定搵多啲朋友幫手，無論係設計上技術上都希望有所提升到，從而令到大家更認識香港樹唔係垃圾而係資源，我哋呢班朋友組成了一個Group叫做R2 (Recycle and Redesign) ，希望可以互相分享到我哋唔同範疇嘅知識及資源。❤️
為咗令大家更容易明白R2係做咩呢，所以我哋係今個星期六 R2 有個opening，除咗展示作品外，我哋仲一齊jam咗一個設計，將港式破舊摺凳 x 香港樹，呢個系列除咗係由原木開成，仲會用上CNC機，令到凳面線條更好睇好坐。我亦會將使用台灣相思時遇到的難題及特徵記錄低，等第時大家使用時多個參考，我諗草途做得最多的事除咗入榫就係寫字了...雖然多咗機用，但放心我哋繼續會練手藝，只係多咗唔同可能令更多人鍾意木，珍惜木。
@R2 開幕酒會及聯合展覽: 2019年1月19日(星期六)下午四時至六時 火炭工作室開放參觀時間: 2019年1月19日及20日 下午二時至七時 地址: 新界火炭黃竹洋街15號華聯工業中心B座311室 RAAW Studio
到時見
@RAAW @R2