先前世界自然基金會係荃新天地有個展覽講保護海洋，我哋都參與咗其中一部分，為大會起咗啲photo stand，直至拆場嗰刻我先覺得我哋個成就解鎖。
首先卡板係來自一間綠色清潔劑公司，就係我哋接到電話話photo stand要用卡板時，咁啱佢哋inbox我哋，好似成件事好自然而然地發生...然後我哋諗點樣整完又還原到所有資源，呢個時候鏍絲小姐出場，平時我哋要求自己入到榫嘅都要入榫，因為好多時大家唔會拆釘拆鏍絲先回收，但係今次進場拆場都係我哋自己做，可以控制到成個流程。
結果我哋八成以上的木都係用舊料，拆場時每塊能分番尺寸好治癒，返到去又可再用。本身呢個製作唔需要我寫咁大篇文去講，但我諗小小行動可能都會改變到小小嘢，儘管係一個小小的photo stand。
呢個係「木庫」的其中一環，如何利用木資源。
（我哋仲有啲打磨過表面嘅卡板，如果需要搵我哋拎丫）
