送完貨冇幾耐就想同大家分享今日呢個任務 。
任務內容係中文大學的賽馬會氣候變化博物館邀請我哋整一批凳，凳的材料係香港樹。原先最貼合主題的當然係想用山竹的塌樹，可惜當時山竹的塌樹大部分已被堆填，我能夠動用的只有少量山竹塌樹，而其他都是來自中大、路政署及ATEC的慷慨支持。
人類的浪費影響氣候，所以故仔要繼續講，因為我哋都知道的是香港資源只有不斷被堆填，我哋成個製作都係一個挑戰，我哋不斷反思用香港樹的本意，當真係用呢個材料時，係唔係想有個訊息俾大家知道，而唔係單單的製造生產廢物。
我哋係呢個過程學習到堅持手藝的重要，與師傅一齊工作，跟師傅學習，有正確的方法先會做到正確的物，盡量做到最'Green' 最耐
用。我哋一team人一齊做，池哥、Woody、聲、清同埋美雪，仲有捱義氣幫手到零晨的Tony，好感激大家的熱情。
今日的開幕，有局長有高官有教授，我怕羞冇衝上前，只希望透過呢十幾廿張凳帶到個訊息俾佢哋，俾大家，希望唔係就咁覺得'幾靚'就算，坐一坐，諗一諗。
（因為個地下好綠，所以所有相都好似係綠背景 So Green）
