今日想同大家講下關於樹的事
「樹在地底下有連結網絡，一個出事就個個都知，尤其是老樹(Mother Tree)，媽媽樹知道自己嘅子樹出事，佢會係地底供應養份俾子樹，等佢好得快啲」
在加拿大，我好好彩可以跟UBC森林研究系教授學習關於樹的知識，走進森林，教授講每一個物種之間的關係，而管理森林的方法就係平衡生態，唔可以俾單一物種獨大。然後講到新樹與老樹同樣重要，新樹會吸收更多二氧化碳，而老樹就會作一個保護角色，樹在地底下有連結網絡，一個出事就個個都知，尤其係Mother Tree，當媽媽樹知道自己嘅子樹出事，又高又大的她會係地底供應養份俾子樹，等子樹好得快啲，雖然學術上仲未搵到點解媽媽樹會認得遙遠的子樹，但係大自然就係如此神奇，而我哋亦是。
教授講到呢度，眼淺如我已有淚光，諗起在香港的媽媽們（不適用於特首），呢個星期不能在香港支持大家係呢趟旅程最遺憾的事，但在此時此刻學到樹的知識可以分享，希望可以彌補到呢個缺席。這一課，會很遠，除了上街支持，提供一個大家可以休息的地方，亦係我哋要做的。
6.16 見
註：圖中右手邊較近的樹樹齡大概500年，而左手邊較遠的大概100到150年。當中還有還未成長的小樹苗。