有一日師傅同我哋講：不如用香港樹做套明式傢俬
你知道對我哋嚟講係幾大意義嗎？麥師傅係香港少數仲識做明式傢俬的師傅，以前佢只用酸枝花梨做傢俬，而近年專職維修古董，維修需要熟悉每件傢俬的結構以避免拆爛。
記得之前同師傅講要用香港樹做圈椅，師傅覺得不太可能，說要先睇下材質，睇下睇下咁就睇咗一年，可能做得多漸漸感動到師傅，師傅突然的一句提議令我哋充滿咗力量，有一個咁強大嘅後盾，好似冇嘢好驚，啱嘅事情就要去做。
由工藝精神帶到環保議題，唔係只係要消費，而係點樣看待資源，而記錄過程更可以成為教材，多個人認識就會多一個改變的機會。